Першы том "Тлумачальнага слоўніка беларускай мовы" пад агульнай рэдакцыяй акадэміка АН БССР К. К. Атраховіча (Кандрата Крапівы) выйшаў 40 гадоў таму, у 1977 годзе. Мінчанка Ніна міхайлаўна Лявончык падчас сваёй працы ў Інстытуце мовазнаўства імя Якуба Коласа Акадэміі навук БССР брала непасрэдны ўдзел у працы над знакавым выданнем. Яе ўспаміны - нібы вяртанне на машыне часу ў маладосць.

Першы том Беларускай Савецкай Энцыклапедыі быў падпісаны ў друк 28 жніўня 1969 года. Паколькі ў гэтым годзе выдавецтву "Беларуская Энцыклапедыя імя Петруся Броўкі" споўнілася паўстагоддзя, ёсць нагода ўспомніць хроніку спраў мінулых дзён. У студзені 1967 года была сфарміравана галоўная рэдакцыя Беларускай Савецкай Энцыклапедыі Акадэміі навук БССР на парвах навукова-даследчага інстытута. Уласна, гэтая дата і лічыцца кропкай адліку гісторыі выдавецтва.